Éamon Ó Cuív (Galway West, Fianna Fail) | Oireachtas source

Tá sé fíorthábhachtach go mbreathnódh an tAire Stáit ar an gceist seo. Mura mbeidh pionós inghearrtha ar chomhlachtaí, ní chloífear leis an riail. Ní leor a bheith ag tuairisciú go dtí an tOireachtas. Creidim go mba cheart go mbeadh pionós de shaghas éigin ann. Bheadh sé taobh istigh den státchóras. Is é sin le rá, bainfí airgead de na comhlachtaí sin agus cuirfí isteach i gciste Gaeilge taobh istigh den státchóras é. Ní chostódh sé tada ar an lárchiste. Ar aon chaoi, dá gcuirfeadh an tAire Stáit ar aghaidh é, ní bheadh an fhadhb sin ann.