Éamon Ó Cuív (Galway West, Fianna Fail) | Oireachtas source

Tá focal amháin le rá agam air sin. Tá ceist na bhfógraí pléite ach tá moladh anseo maidir leis na fógraí rabhaidh a bhíonn ar na buidéil alcóil. Is cuimhin liom, nuair a bhí an Bille um alcól ag dul tríd roinnt bheag blianta ó shin, chuir mé ceist ar an Aire, an Teachta Harris. Bhí an-deifir air agus dúirt sé nach bhféadfaí an Bille a leasú. Bhí mise ag iarraidh go mbeadh sé scríofa san Acht sláinte seo go gcaithfeadh na fógraí sin a bheith i nGaeilge agus i mBéarla, mar atá siad ar na toitíní. Ceapaim go bhfuil fiúntas leis seo. B'fhéidir go mbreathnódh an tAire Stáit ar an gceist seo. Caithfidh mé a rá go raibh an-deifir go deo le tabhairt isteach an Bille um alcól ag an am ach níl na forálacha is tábhachtaí, agus is mó a laghdódh ól sa tír agus a ndéanfadh fiúntas, curtha i ngníomh riamh. Is scéal eile é sin. An mbreathnóidh an tAire Stáit air seo roimh an gcéad lá eile, i gcomhairle leis an Aire Sláinte? Ba cheart go mbeadh sé i nGaeilge agus i mBéarla mar tá saol Gaeilgeora chomh tábhachtach le saol Béarlóra.