Aengus Ó Snodaigh (Dublin South Central, Sinn Fein) | Oireachtas source

Tá fadhb bhunúsach anseo arís leis an tslí inar tógadh cinneadh gur costas é seo. Muirear ar an ioncam atá i gceist ach níl aon ioncam breise i gceist sa leasú seo. Tuigim gur fhéach Oifig na mBíllí air agus gur sin an chiall a thóg siad amach as. Nílimid ach ag lorg go mbeadh 20% d'fhógraíocht chomhlachta as Gaeilge. Ní breis ná sin atá i gceist. Is cinneadh do na comhlachtaí é an gcaithfidh siad an t-airgead ar bhealach amháin. Níl sé seo ag cur iallach orthu airgead breise a chaitheamh. An rud a tharlódh, dá mbeadh an t-airgead céanna á chaitheamh, ná go mbeadh níos lú fógraíochta as Béarla ann. Sin an t-aon difríocht. Dá ndéarfaí go gcuireann an leasú as do pholasaí chomhlachta, that is fine mar sin atá i gceist agam, ach ó thaobh fógraíochta de ní bheadh aon chostas ann. Tá mé sásta dul ar aghaidh.