Catherine Connolly (Galway West, Independent) | Oireachtas source

Tacaím leis an leasú seo. Ní thuigim cén fáth nach bhfuil leasú Uimh. 50 nasctha le leasuithe Uimh. 44 agus 46. Baineann siad le chéile i ndáiríre agus ba chóir dúinn iad a phlé le chéile. Mar atá, is dócha nach mbeidh fadhb ar bith ag an Aire Stáit leis an bhfrása “nó ar na meáin shóisialta” a chur isteach san alt seo. Clúdaíonn sé na hathruithe atá déanta. B’fhéidir go bhfuilimid ag cur ama amú má tá sé chun glacadh leis an athrú sin.

Tá leasú Uimh. 46 beagáinín níos leithne ná leasú Uimh. 50. Tiocfaidh mé ar ais ag leasú Uimh. 50 mar tá m’ainm air. Tugaim mo thacaíocht do leasú Uimh. 44 ar a laghad. B’fhéidir go mbeadh sé níos ciallmhaire leasuithe Uimh. 46 agus 50 a nascadh le chéile agus a phlé arís.