Aengus Ó Snodaigh (Dublin South Central, Sinn Fein) | Oireachtas source

Tuigim é sin agus tuigim gur lorg Oifig na mBillí go mbeadh an leasú seo dícheadaithe toisc go bhfuil costas i gceist.

Tá costas i gceist le gach uile rud a dhéantar ach braitheann sé más tosaíocht don Stát é. Is trua go bhfuil an srian seo orainn ó thaobh costais de. Uaireanta bíonn muid ag lorg go mbeadh an tAire in ann díriú isteach air agus féachaint air.

B'fhéidir go bhfuil na tuairimí atá sa leasú maith go leor go mbeidh an tAire Stáit in ann teacht ar ais chuige ar Chéim na Tuarascála agus a leasuithe féin a chur i bhfeidhm, bunaithe ar an méid atá sa leasú seo. An rud a bhíomar ag triall a dhéanamh anseo ná déanamh cinnte de go mbeadh leasú ar alt 3. Is mionleasú atá ann a chuireann an tAire ar chomhchéim le hAirí eile ó thaobh caiteachais de maidir le feidhmeanna a Roinne féin. Déanfaidh mé é a thairiscint arís ar Chéim na Tuarascála. Tá súil agam go mbeidh an tAire Stáit sásta féachaint ar an méid a bhí an abhcóide Dáithí Mac Cárthaigh ag lua faoi seo ina aighneacht, atá foilsithe i dtuarascáil an chomhchoiste ar leathanach 101. Tá sé leagtha amach ansin cén fáth gur gá dúinn leasú mar seo a dhéanamh.