Aengus Ó Snodaigh (Dublin South Central, Sinn Fein) | Oireachtas source

Má thagann rún os comhair na Dála ar an Máirt, is í an fhadhb a bheidh ann ná nach bhfuil cruinniú eile againn go dtí an Chéadaoin. Ní bheadh go leor ama á thabhairt againn do dhaoine chun leasuithe a chur isteach faoin gcóras chun déileáil leo. Toisc nach bhfuil sé os ár gcomhair go fóill, ní féidir leis an mBille teacht os ár gcomhair ar an 25 Samhain, is cuma cad a tharlaíonn. Caithfimid díriú isteach ar an 2 Nollaig nó an 3 Nollaig. Is féidir linn cinneadh a dhéanamh faoin lá den tseachtain ar a suímid chun déileáil leis agus le haon rud eile. Sin í an fhadhb. Táim chun labhairt leis an Aire Stáit, an Teachta Chambers agus leis an gCeann Comhairle arís inniu. Cuirfimid litir eile chucu ag rá gur caithfidh go mbeidh an rún seo os comhair na Dála Dé Máirt ionas gur féidir linn déileáil leis ar an gCéadaoin.