Mr. Rónán Ó Domhnaill:

Ba mhaith liom a aithint go bhfuil an tUasal Ó Concheanainn tosaithe linn mar stiúrthóir le mí anuas. Bhí sé ag obair in Acadamh na hOllscolaíochta Gaeilge i gCarna mar stiúrthóir roimhe sin. Is mór an chabhair dom agus don oifig go bhfuil sé tosaithe in am atá an-chrua do na hoibrithe uilig agus do chuile dhuine le Covid-19.

Ba mhaith liom aitheantas a thabhairt do Órla de Búrca chomh maith, a bhí ag feidhmiú mar stiúrthóir freisin idir mí Feabhra agus mí Mheán Fómhair. Murach iad, bheimis sa phuiteach. Táim an-bhuíoch dóibh.