Mr. Rónán Ó Domhnaill:

Cuirtear, i limistéar Chomhairle Contae Chiarraí amháin mar gheall go ndearnadh gearán linn, go ndearnamar imscrúdú air sin agus go ndearnadh fionnachtana i gcoinne Chomhairle Contae Chiarraí. Rinne mé moladh sa chaoi nuair atá aon chead pleanála á dheonú sa cheantar sin, go gcaithfidh an t-údarás mé a chur ar an eolas faoi agus an chaoi a bhfuil sé ag cur an choinníll teanga i bhfeidhm. Níl sé ann do na limistéir eile mar níl de chumhacht agam faireachán a dhéanamh gan gearán a bheith déanta liom faoi chás sonrach agus féachaint an raibh nó nach raibh sárú ann. Ina dhiaidh sin is féidir liom moltaí a dhéanamh.