Oireachtas Joint and Select Committees
Tuesday, 17 December 2019
Joint Standing Committee on the Irish Language, the Gaeltacht and the Islands
Seirbhísí trí Ghaeilge (Atógáil): Roinn Dlí agus Cirt agus Comhionannais
Brian Ó Domhnaill (Fianna Fail) | Oireachtas source
Cuirim fáilte roimh na finnéithe. Tá ceist amháin agam agus ansin tá tuairim eile le nochtadh agam. Coinneoidh mé mo chuid tuairimí dírithe ar obair na Roinne féin. Dúirt an tUasal Ó Cearúil go bhfuil 2% d'fhoireann na Roinne, nó 43 as beagnach 2,000 duine atá ag obair sa Roinn, a bhfuil in ann seirbhís trí mheán na Gaeilge a chur ar fáil don phobal. Tá sé sin íseal go maith ach níl sé sin teoranta don Roinn Dlí agus Cirt agus Comhionannais. Tá go leor Ranna mar an gcéanna ach ciallaíonn sé sin go bhfuil 98% de na daoine atá ag obair sa Roinn nach bhfuil in ann an tseirbhís dhátheangach a chur ar fáil. An bhfuil sé sin ceart?
No comments