Ms Eileen Seoighe:

Tá trí chuid sa tuarascáil i ndáiríre, ach pléifidh mé an méid faoin gcomharthaíocht i suíomhanna oidhreachta. Thug mé cuairt ar dheich suíomh oidhreachta de chuid Oifig na nOibreacha Poiblí i mBaile Átha Cliath in 2018, agus rinne mé iniúchadh ar an gcomharthaíocht atá in úsáid acu sna suíomhanna sin. Thug mé cuairt ar Chaisleán Bhaile Átha Cliath, Príosún Chill Mhaighneann, Músaem na bPiarsach, agus mar sin de. Thóg mé grianghraif den chomharthaíocht atá in úsáid acu agus beidh na torthaí sin á bhfoilsiú sa tuarascáil i gceann cúpla seachtain, le cúnamh Dé.