Éamon Ó Cuív (Galway West, Fianna Fail) | Oireachtas source

Tá rialacháin different. Caithfidh sé sin a bheith oscailte mar is rud difriúil ar fad é sin. Níl deireadh go deo maidir leis an méid rialachán a bhféadfaí a thabhairt isteach. Mar shampla, dá bhfaighfí amach go raibh aon locht ar aon rialachán, mar shampla, an rud seo faoi chalafort Bhaile Átha Cliath, is é an rud ar cheart leis an Aire a dhéanamh sa chás seo ná fáil réidh leis an éiginnteacht agus a rá leis an gcalafort, mura gcuirfí suas comhartha i nGaeilge, má tá sé le hargóint a dhéanamh faoin bpíosa sin, go ndéanfaimid leasú lena dhéanamh cinnte go dtuigeann sé gur comhartha é.

Le rialacháin, i ngach uile Acht a chonaic mise riamh, chaithfí a chur isteach san Acht gur féidir rialacháin a dhéanamh. Mar is é ceann de na buntáistí a thugann sé sin don duine ná má tá laige éigin sa rud atá scríofa san Acht, nó má smaoiníonn duine ar fheidhm eile le rialachán, táthar in ann iad a scríobh. Is féidir iad sin i gcónaí a dhéanamh. Táim ag déanamh trácht do na páirteanna eile den Acht a bhfuil feidhm leo ar dhátaí áirithe agus ansin go bhfuil ordú tosach feidhme ag teastáil. Bhí dhá bhliain max d'fheidhmiú gach rud san Acht, más buan mo chuimhne. Is é an cheist atá agam má tá sé níos oscailte ná é sin, bheadh an imní ann go dtarlódh an rud atá tarlaithe le go leor Achtanna i láthair na huaire nach bhfuil na forálacha breátha atá tugtha ag na reachtóirí curtha i bhfeidhm ar chor ar bith.