Oireachtas Joint and Select Committees
Tuesday, 9 April 2019
Joint Standing Committee on the Irish Language, the Gaeltacht and the Islands
Seirbhísí trí Ghaeilge (Atógáil): An Roinn Oideachais agus Scileanna
Éamon Ó Cuív (Galway West, Fianna Fail) | Oireachtas source
An rud atá mé ag rá ná go bhfuil dalladh spás ag an Roinn Cultúr, Oidhreachta agus Gaeltachta sna Forbacha, dá gcuirfí tuairisc. Is féidir a rá go mbaineann an spás sin le Roinn eile ach, mar shampla, nuair a bunaíodh an Roinn Forbartha Tuaithe agus Pobail, fuair sí oifigí ón Roinn Cumarsáide, Gníomhaithe ar son na hAeráide agus Comhshaoil thíos i mBéal an Átha. Ní raibh orthu corraí. Tá daoine ag cruthú deacrachtaí áit nach bhfuil deacrachtaí ann. Tá spás ann, tá láthair ann, tá foireann ar fáil agus bheadh sé sa Ghaeltacht le freastal ar an nGaeltacht. Chomh maith leis sin, d'fhéadfadh an Ghaeltacht freastal ar chuile Ghaelscoil sa tír, dá mbeadh an t-aonad ann agus dá tabharfaí na cúramaí ó thaobh riarú na scoileanna dóibh.
No comments