Mr. Gavan O'Leary:

Gabhaim buíochas leis an Teachta. Ar dtús, maidir leis an gceist faoi chigirí iarbhunscoile, mar a dúirt mé, níl sé riachtanach ach tá sé ar chumas cuid de na cigirí feidhmiú trí Ghaeilge. Táimid in ann seirbhísí cigireachta trí Ghaeilge a chur ar fáil do na Gaelcholáistí agus do na meánscoileanna atá lonnaithe sa Ghaeltacht. Ag an am céanna, nílimid in ann a rá go bhfuil na cigirí iarbhunscoile go léir in ann soláthar a dhéanamh trí mheán na Gaeilge. Maidir le conas daoine a mhealladh chun a gcuid Gaolainne a úsáid ná a fheabhsú, aontaím leis an Teachta. Is dúshlán é sin dúinn. Tugaimid deis do dhaoine dul ar chúrsaí agus déanann siad na cúrsaí sin ach, ag deireadh an lae nuair atá siad ar ais ag an mbinse nó ar an nguthán, bíonn easpa muiníne acu a gcuid Gaolainne a úsáid. Ó thaobh sin, tá daoine áirithe sa Roinn a bhfuil Gaeilge líofa acu. Tá ciorcal comhrá acu agus déanann siad iarracht a gcuid chomhghleacaithe a mhealladh chun a gcuid Gaolainne a úsáid agus chun muinín a bheith acu a bheith níos compórdaí é sin a dhéanamh. Aontaím leis an Teachta go hiomlán. Tá daoine ann a bhfuil Gaeilge níos fearr acu ná mar a thuigeann siad ná mar a bhfuil siad ag iarraidh a adhmháil dúinn. Ós rud é nach úsáideann siad í, titeann sí i léig agus éiríonn an fhadhb níos measa. Ní chuireann sé le féinmhuinín na ndaoine sin ar chor ar bith. Tá daoine ann nach bhfuil a nGaeilge á úsáid acu agus ansin deireann siad go ndearna siad í ar scoil ach tá sí caillte-----