Éamon Ó Cuív (Galway West, Fianna Fail) | Oireachtas source

Baineann because tá an Roinn ag rá go dtugann sí cearta Gaeilge do dhaoine. Nuair a d'éirigh leis an duine seo a chearta Gaeilge a chosaint ag an oifig achomharc ag rá nár cuireadh in iúl don duine seo go béal, gan trácht ar an scríbhinn, mar leis na cigirí ar fad a tháinig amach, is trí Bhéarla a rinne siad déileáil leis. Nuair a tháinig sé chugam, rinne mé déileáil leis i nGaeilge agus bhí mé in ann an rud a mhíniú dó agus bhí mé in ann suí síos leis chun a fháil amach céard í an fhadhb. Bhí mé in ann breathnú air agus a mhíniú dó cé mhéad talamh a bhí aige agus mar sin cé mhéad stoc a bhí ceadaithe aige. Ansin bhí mé in ann insint dó líon an stoc a laghdú. Dá mbeadh an t-eolas sin aige ag an tús, ní bhéarfaí air. An cheist atá agam ná, nuair a théann duine ag an oifig achomharc ar chúinsí teanga, an mbeidh polasaí na Roinne ná achomharc a dhéanamh in aghaidh cinneadh na hoifige neamhspleáiche achomhairc? Ghlac muidne le cinneadh na hoifige neamhspleáiche achomhairc.