Aindrias Moynihan (Cork North West, Fianna Fail) | Oireachtas source

Ní ghlacaim le short notice mar leithscéal in aon chor. Cé go dtagann sé aniar aduaidh ar an bhfeirmeoir, roghnaíonn an Roinn na feirmeacha agus, mar sin, tá réamheolas aici ar cá bhfuil na cigirí ag dul. Mar sin, ní ghlacaim leis go bhfuil short notice ann ó thaobh na Roinne. Tá ó thaobh an fheirmeora, ach ní ghlacaim leis go bhfuil sé amhlaidh ó thaobh na Roinne. Tá sé soiléir ón méid a dúirt Ms Joyce go bhfuil córas maith ag obair ina ceantar féin ach, i gCorcaigh nó i gCiarraí, nuair a thiocfaidh an glaoch teileafóin níos déanaí inniu i gcomhair cigireachta amárach, conas a bheidh a fhios ag an bhfeirmeoir i gCúil Aodha, i mBéal Átha an Ghaorthaidh, nó i gCiarraí go bhfuil seirbhís ar fáil trí Ghaolainn? An mbeidh cigire ag labhairt leis nó léi as Gaolainn? Conas a oibreodh an córas i gcomhair na gceantar eile? Tá sé soiléir go bhfuil sé ag obair go maith i gceantar Ms Joyce de réir an tslí a luadh. Is é sin an tslí gur chóir a bheith ann. An mbeadh an rud céanna ar fáil ar fud na tíre?