Niall Ó Donnghaile (Sinn Fein) | Oireachtas source

Maidir leis an gcur i láthair faoin Bhreatimeacht, táimid ag plé i gcónaí leis na mórcheisteanna polaitiúla agus cuid den am mar gheall go bhfuil sé ag athrú chomh tapaidh sin níl a fhios againn cad iad na hábhair go bhfuilimid ag plé leo an t-am ar fad ach bheadh spéis agam a chloisteáil barúil na bhfinnéithe ar cén dóigh a rachaidh an Breatimeacht i bhfeidhm ar na finnéithe go pearsanta. An bhfuil siad buartha faoi sin? An bhfuil imní orthu faoi sin? Cén dóigh a síleann na finnéithe go rachaidh sé i bhfeidhm go pearsanta orthu féin? Tá a fhios agam gur ceist leathan é sin do mhuintir Ghaelcholáiste Dhoire ach bheadh spéis agam a chloisteáil ó na scoileanna eile freisin.