Seán Kyne (Galway West, Fine Gael) | Oireachtas source

Ba mhaith liom é a chur ar an taifead freisin go bhfuil breis acmhainní curtha ar fáil. Nuair a bhí mise i m'Aire Stáit an uair dheireanach, chuireamar airgead isteach ó thaobh an chórais ingearáin agus cuireadh maoiniú caipitil ar fáil chun dhá chraein nua a cheannach do chéibh Mhachaire Rabhartaigh agus céibh Thoraigh. Tá sé sa phlean forbartha náisiúnta go ndéanfaí athfhorbairt ar chéibh Mhachaire Rabhartaigh. Tá cainteanna ar siúl ag mo Roinn le Comhairle Contae Dhún na nGall. Tá doiciméid tairisceana á réiteach chun comhairleoirí a fhostú i leith na céibhe.