Oireachtas Joint and Select Committees
Tuesday, 26 February 2019
Joint Standing Committee on the Irish Language, the Gaeltacht and the Islands
Seirbhísí trí Ghaeilge (Atógáil): Feidhmeannacht na Seirbhíse Sláinte
Mr. Cuimín Mac Aodha Bhuí:
Is sampla é sin den chineál bealaigh gur féidir seirbhísí sláinte a fhorbairt mar is ceart trí Ghaeilge. Thugamar faoi in 2003-2004. Fuaireamar airgead ón údarás agus chuireamar scéim scoláireachtaí ar fáil agus as sin tháinig ceathrar teiripeoirí teanga. Fuaireamar airgead ansin ó Roinn Cultúir, Oidhreachta agus Gaeltachta agus ón mbord sláinte ag an am le poist a chruthú sa Ghaeltacht. Tá méadú ag teacht air sin i gcónaí. Tá triúr nó ceathrar ag fáil scoláireachtaí faoi láthair maidir le teiripe teanga agus beidh na daoine sin ag teacht chun cinn isteach sa tseirbhís laistigh de bhliain nó dó eile.
No comments