Oireachtas Joint and Select Committees
Tuesday, 12 February 2019
Joint Standing Committee on the Irish Language, the Gaeltacht and the Islands
An Ghaeilge sa Chóras Oideachais: Díospóireacht
Rónán Mullen (Independent) | Oireachtas source
An féidir liom ceist amháin a chur? Glacaim leis go bhfuil deacrachtaí ag gach eagraíocht maidir leis na rudaí seo. Luaigh an tUasal Ó Súilleabháin nach bhfuil an t-éileamh ann i gcás eagraíochtaí atá ag plé le cúrsaí oideachais. Glacaim gur fíor é sin amanta. Ní bhíonn na daoine a bhuaileann cnag ar an doras ag lorg doiciméad trí Ghaeilge ná leagan Gaeilge de dhoiciméad. Mar sin féin, go háirithe i gcomhthéacs an 97% den suíomh gréasáin nach bhfuil dátheangach, an nglacfadh an tUasal Ó Súilleabháin go bhfuil dualgas ar leith ar eagraíochtaí Gaeilge ní hamháin freastal ar éileamh ach, go pointe áirithe, éileamh a chothú freisin? Nár chóir go mbeadh sé de chultúr in aon eagraíocht atá maoinithe ag an Stát a bhaineann le cúrsaí oideachais go mbeadh saghas sprioc agus go mbeadh daoine ag iarraidh a bheith mar pioneers?
No comments