Catherine Connolly (Galway West, Independent) | Oireachtas source

Bhí ceist agam maidir leis an bplean gníomhaíochta. An rud is mó a léimeann amach as an straitéis agus an plean gníomhaíochta ná normalú na Gaeilge agus gan í a imeallú. Ar leathanach 24 den phlean gníomhaíochta, luaitear páirt-tumoideachais sna scoileanna taobh amuigh den Ghaeltacht. An féidir leis an Roinn a insint dom cén dul chun cinn atá déanta? Tá an straitéis ó 2010 agus nuair a léim an ráiteas seo, deireann sé go bhfuil an Roinn Oideachais agus Scileanna ar tí grúpa oibre inmheánach a chruthú chun líon beag tionscnamh píolótach maidir leis an bpáirt-tumadh a chur ar bun. Seo 2019 so an féidir é sin a mhíniú dom agus a insint dom cad atá déanta go dtí seo?