Catherine Connolly (Galway West, Independent) | Oireachtas source

Gabh mo leithscéal. Tuigeann muid cé chomh tábhachtach is atá an obair atá á dhéanamh ag Tusla. Níl na finnéithe os comhair an Chomhchoiste um Shláinte. Tá siad os comhair Comhchoiste na Gaeilge, na Gaeltachta agus na nOileán chun ábhar na Gaeilge a phlé. Iarraim ar an Uasal Smyth díriú isteach air sin. Tuigeann muid an tábhacht a bhaineann leis an obair atá á dhéanamh ag Tusla. Tá na finnéithe os ár gcomhair ar bhunús eile. Iarraim orthu breathnú ar úsáid na Gaeilge agus díriú ar an dul chun cinn atá déanta ag Tusla ó thaobh na Gaeilge de agus ó thaobh na freagrachtaí dlíthiúla atá ar Tusla.