Mr. Micheál Ó hÉanaigh:

Tá. Beidh muid ag foilsiú tuarascáil bliantúil. Beidh muid ag cur tuairisc ar fáil go luath sa mbliain nua maidir lenár gcuid gníomhaíochtaí. Beidh gníomhaíochtaí na heagraíochta, an fhostaíocht a cruthaíodh, agus mar sin de leagtha síos ansin. Beidh sé sin ar fáil go luath i mí Eanáir. Beidh sé á fhoilsiú. Bíonn key performance indicators, KPIs, leagtha síos againn timpeall na straitéise ar fad. Bíonn an Roinn ag déanamh monatóireachta leanúnaí linn ar na spriocanna atá leagtha síos.