Éamon Ó Cuív (Galway West, Fianna Fail) | Oireachtas source

Tuigim go bhfuil plé ar bun le tamall maidir le forbairt a dhéanamh ar Shráid Fhearchair. Tá sé tráthúil go mbeadh a leithéid de phlé ann, ar ndóigh, ós rud é gur i Sráid Fhearchair a bhí banc Shinn Féin in 1919-20. Bhí sé ag bailiú airgid le haghaidh an tír seo a rith faoin Rialtas nua a bunaíodh ag tús mí Aibreán 1919. Mar is eol don Aire Stáit, bhailigh an Chéad Dáil le chéile ar 21 Eanáir 1919. Cén dul chun cinn atá déanta leis an togra seo? An mbeidh an Roinn ag cur airgid ar fáil don togra fíorthábhachtach seo a bhaineann le foirgneamh fíorstairiúil?