Mr. Michael O'Keeffe:

Tógfaidh mé cúpla ceist agus tógfaidh mo chomhghleacaithe na ceisteanna eile. Mar a dúirt mé, tá ceathrar san údarás - ina measc Dave Butler, atá anseo linn inniu, Fionnuala Murphy agus David Carrie - ag cabhrú linn i dtaobh na Gaeilge trasna na scéimeanna go léir. Níl ach triúr ag obair linn faoi láthair ós rud é go bhfuil Clare O'Sullivan tar éis dul ar maternity leave ón tseachtain seo caite. Tá na hoifigigh sin ag tacú leis an mhéid atá ar siúl againn maidir leis an scéim fuaim agus fís agus le hurraíocht, srl.