Catherine Connolly (Galway West, Independent) | Oireachtas source

I dtús báire ba mhaith liom céad míle fáilte a chur roimh na finnéithe ó Údarás Craolacháin na hÉireann. Táimid thar a bheith sásta go bhfuil siad anseo, go háirithe an tUasal Michael O'Keeffe, an príomhfheidhmeannach agus an tOllamh Pauric Travers, cathaoirleach an údaráis. Tá an tUasal David Butler ina gcomhluadar freisin. Gabhaim buíochas dóibh.

Tá rud amháin le déanamh maidir leis an Acht um Chlúmhilleadh. Deirim i gcónaí go bhfuil an saghas Gaeilge atá anseo deacair ach ba mhaith liom a chur ar aird na bhfinnéithe de bhua alt 17(2)(l) den Acht um Chlúmhilleadh 2009, go bhfuil finnéithe faoi chosaint ag lánphribhléid maidir leis an bhfianaise a thabharfaidh siad don choiste seo. Má ordaíonn an coiste dóibh, ámh, éirí as fianaise a thabhairt i leith ní áirithe agus má leanann siad dá tabhairt amhlaidh, ní bheidh siad i dteideal dá éis sin ach pribhléid cháilithe i leith a gcuid fianaise. Ordaítear dóibh gan fianaise a thabhairt ach amháin fianaise a bhaineann le hábhar na n-imeachtaí seo agus fiafraítear díobh cleachtadh parlaiminte a urramú nár cóir, más féidir, daoine ná eintiteas a cháineadh ná líomhaintí a dhéanamh ina n-aghaidh, ina n-ainm, ina hainm nó ina ainm ar shlí a bhféadfaí iad a aithint. Ba mhaith liom na finnéithe a chur ar an eolas freisin go ndéanfar na ráitis tionscnaimh seo a gcuirfear faoi bhráid an choiste a fhoilsiú ar shuíomh gréasáin an choiste tar éis an chruinnithe seo. Meabhraítear do chomhaltaí an cleachtadh parlaiminte atá ann le fada nár chóir dóibh tuairimí a thabhairt maidir le duine atá taobh amuigh de na Tithe nó maidir le hoifigeach ina ainm, nó ina hainm, ar shlí a bhféadfaí iad a aithint.

Tá cur i láthair scríofa ann is dócha, an bhfuil? An bhfuil sé agat a Theachta Moynihan?