Ms Marcella Nic Niallaigh:

A Chathaoirligh, a bhaill den choiste, na grúpaí uilig atá anseo, ar son phobal Scoil Mobhí gabhaim buíochas libh as ucht an deis a bheith anseo chun an t-ábhar seo a phlé.

Tacaímid leis an MetroLink ach ní ar chostas sláinte agus sábháilteachta páistí agus foireann ár scoileanna. Tá páistí agus foireann Scoil Mobhí agus Scoil Chaitríona i dteideal foghlama agus múinte a bheith acu i suíomh slán. Táimid iontach buartha go bhfuil ár scoileanna agus Cumann Lúthchleas Gael na bhFiann i mbaol faoi láthair agus an gaelcheantar an-éagsúil ar fad atá suite i nGlas Naíon. Tá muidne ag brath go mór ar Na Fianna agus ar Scoil Chaitríona chun áiseanna a roinnt, mar níl a dhóthain áiseanna againne i Scoil Mobhí agus dar ndóigh, feicfidh sibh go bhfuil caidreamh iontach speisialta eadrainn sa thrí ghrúpa anseo.

Cuirfear fáilte roimh na comhaltaí nuair a thiocfaidh siad isteach agus mar a dúirt Carmel de Grae, beidh an citeal ar siúl agus b'fhéidir go mbeidh cúpla briosca chomh maith, ni bheadh a fhios acu. Feicfidh siad agus gheobhaidh siad blas den áit iontach speisialta atá ar Bhóthar Mobhí nach bhfuil ar fáil, dar liomsa, in aon áit eile, sa tír seo.