Mr. Rónán Ó Domhnaill:

Shamhlóinn go mbíonn an chuid is mó de na cruinnithe a bhíonn againne le heagraíochtaí agus le comhlachtaí Stáit - cuirfidh mé mar sin é – ar siúl i mBéarla go minic seachas i nGaeilge. Is é an pointe a bhí me ag déanamh, má tá duine ag leibhéal ard san eagraíocht atá báúil don teanga, atá báúil d'Acht teanga, go gcuidíonn sé sin le cúrsaí. Dá mbeadh earcaíocht ag an leibhéal sin freisin agus riachtanais ann ó thaobh méid áirithe post a bheith líonta le Gaeilge ag leibhéil arda, go gcuideodh sé sin le cúrsaí freisin.