Éamon Ó Cuív (Galway West, Fianna Fail) | Oireachtas source

Tá focal lárnach amháin sa gceist sin - filleadh. Tá mé ag rá le fada an lá gurb é an nós den óg ag 18 mbliana dul ar an ollscoil nó dul áit éicint. Tá mé i gcónaí ag rá go bhfuil cuid acu le jab as baile acu ar feadh tamaill agus ag 30 bliain nó 32 bliain, an chéad rud eile tá slabhra á dtarraing abhaile agus gurb é an filleadh an rud. Ba bhreá liom an cheist sin a chur ar na finnéithe óga. An gceapann siad go n-imeoidh siad ar an ollscoil nó ar áit éicint ar feadh tamaill agus ansin go dtiocfaidh siad ar ais nó an bhfeiceann siad iad féin ag fanacht sa mbaile i gcónaí?