Oireachtas Joint and Select Committees
Tuesday, 10 October 2017
Joint Standing Committee on the Irish Language, the Gaeltacht and the Islands
Straitéis Óige don Ghaeltacht: Muintearas
5:00 pm
Mr. Dómhnall Ó Braonáin:
Cuireann múinteoirí ach an oiread le tuismitheoirí brú orainn an Ghaeilge a labhairt. Déarfadh siad linn: "Stop ag labhairt Béarla, maith an fear, agus labhair Gaeilge. Tá Gaeilge agamsa agus labhair liom é." Sin, is dóigh, an ceacht is mó a mhúin mo mháthair dom. Chuaigh muid isteach ag dochtúir lá amháin. Ní raibh a fhios agam an raibh Gaeilge nó Béarla aige. Dúirt mé leis i mBéarla gur ghortaigh mé mo ghlúin nó cé rud a bhí orm. Dúirt mo mháthair liom, "Stop. Nach bhfuil Gaeilge aige sin. Is cuma cé leis a chasann tú riamh, labhair Gaeilge leo." Cuireann siad brú orainn agus sin an fáth a labhraíonn muid Gaeilge níos mó le múinteoirí agus le tuismitheoirí. I ngrúpa cairde, áfach, ní thógann sé ach duine amháin a bhfuil Gaeilge lag nó nach bhfuil Gaeilge ar bith acu chun teanga an ghrúpa a athrú.
No comments