Éamon Ó Cuív (Galway West, Fianna Fail) | Oireachtas source

Ba mhaith liom ceist a chur ar an Aire Stáit i dtús báire. In éagmais Rialtas nó Feidhmeannas ó Thuaidh, an bhfuil plé ar bun maidir le soláthar airgid don bhliain seo chugainn? Céard iad na socruithe atá i bhfeidhm ó thaobh an chomh-mhaoinithe d'Fhoras na Gaeilge agus do Bhord na hUltaise in éagmais aon Rialtas a bheith ann? An bhfuil sé i gceist breis airgid a chur ar fáil? An bhfuil an tAire agus an tAire Stáit in ann aon ghealltanais a thabhairt a chuirfidh in iúl dúinn go gcuirifidh siad cistíocht ar fáil dóibh siúd a bheidh i gceannas ó Thuaidh?