Mr. Seán Ó Coinn:

Níl rud ar bith breise le rá agam maidir leis an ábhar, ach go díreach ba mhaith liom comhghairdeas a dhéanamh leis an gcoiste. Tá scoth na Gaeilge ag na daoine uilig a labhair linn. Bhí cuid acu ag gabháil leithscéil as a gcuid Gaeilge, ach dá mbeadh an méid sin Seapáinis nó Mandairínis acu, bheidís ag déanamh mórtais. Sílim gur chóir dóibh bheith ag déanamh mórtais as an méid Gaeilge atá acu. Tá scoth na Gaeilge ag gach duine a labhair, cé nár labhair siad trí mheán na Gaeilge an t-am ar fad. Gabhaim buíochas leis an gcoiste as ucht éisteacht a thabhairt dúinn. Is deis an-mhaith í seo ár gcás agus cás na teanga a chur chun cinn. Tá súil agam go mbeidh na Seanadóirí in ann an cás sin a dhéanamh leis an Rialtas ar ár son.