Seán Kyne (Galway West, Fine Gael) | Oireachtas source

B'fhéidir go mbeidh níos mó sonraí againn oíche amárach maidir lena pleananna pearsanta. Má tá duine éigin eile ina Thaoiseach go luath, beimid in ann an cheist sin a phlé. B'fhéidir go mbeidh ról lárnach ag an duine sin ó thaobh na straitéise de. Tá a fhios agam go bhfuil an-suim aige sa Ghaeilge, mar chathaoirleach ar an gcoiste idir-rannach, agus i gceisteanna mar seo, ar nós Acht na dTeangacha Oifigiúla. Tá a fhios agam go bhfuil Cathaoirleach an choiste seo ag cur an-bhrú ar an Taoiseach trí cheisteanna a ardú sa Dáil ionas go mbeimid in ann brú ar aghaidh le cinnteidil an Bhille nua.