Oireachtas Joint and Select Committees
Thursday, 4 May 2017
Joint Oireachtas Committee on the Implementation of the Good Friday Agreement
Acht na Gaeilge: Engagement with Conradh na Gaeilge
2:10 pm
Declan Breathnach (Louth, Fianna Fail) | Oireachtas source
Rinne mé dearmad ceist a chur ar na finnéithe. Bhí mise mar mhúinteoir scoile ar feadh 35 bliain. Nuair a bhí mise sa bhunscoil agus sa mheánscoil, agus nuair a chuaigh mé go dtí an choláiste, bhí gach canúint difriúil á múineadh do pháistí. Tá sé sin ag tarlú sna scoileanna fós. An bhfuil na finnéithe sásta nach bhfuil na canúintí éagsúla, a bhíonn in úsáid ar an teilifís, ar an raidió agus an nuacht, ag déanamh dochair don suim a bhíonn ag daoine sa teanga? Tá sé deacair dóibh é a thuiscint agus fosta níl siad sásta an Ghaeilge a rá mar tá an iomarca gramadaí ann. Ceapann siad go gcaithfidh an cruinneas sin a bheith acu agus gur chóir dóibh bheith abálta rudaí ar nós "cá bhfuil mo bhicycle phump?" nó rud éigin mar sin a rá. Sílim féin gurb é sin an fáth nach bhfuil mé féin chomh líofa ná ba chóir dom a bheith. An bhfuil aon rud le rá ag na finnéithe faoi sin? Tá fhios agam gur gá le canúintí i ngach teanga, ach chun an teanga a spreagadh nár chóir nach mbeadh an iomarca canúintí ar an nuacht agus na cláir teilifíse ionas go mbreathnaíonn daoine ar na cláir?
No comments