Oireachtas Joint and Select Committees
Tuesday, 2 May 2017
Joint Standing Committee on the Irish Language, the Gaeltacht and the Islands
Plean Infheistíochta agus Scéimeanna Teanga: An tAire Stáit ag an Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta
5:00 pm
Seán Kyne (Galway West, Fine Gael) | Oireachtas source
Tá a fhios agam, ach bhí rudaí leagtha síos ann ó thaobh na straitéise. Tá a lán rudaí bainte amach agam. Tá siad ar taifead an tSeanaid agus bheinn sásta iad a chur ar thaifead an chomhchoiste seo freisin ag an gcéad chruinniú eile. Tógfaidh sé roinnt ama.
Ó thaobh na scéimeanna teanga, tá sé ráite ag an gCoimisinéir Teanga, an tUasal Rónán Ó Domhnaill, agus ag an iar-Choimisinéir Teanga freisin nach raibh siad ag oibriú agus nach raibh siad feiliúnach. Tá sé ráite ag an gCoimisinéir Teanga liom go minic - ón gcéad chruinniú a bhí againn nuair a bhfuair mé an post seo - nach raibh siad ag obair. Sin an fáth go bhfuil siad pléite againn leis na feidhmeannaigh sa Rialtas sa Bhreatain Bheag: chun an próiseas a athrú agus rialacháin a thabhairt isteach seachas scéimeanna teanga. Sin atáimid á dhéanamh. Sin an plean atá againn. Beidh rialacháin againn a bheidh níos láidre ná na scéimeanna atá againn faoi láthair.
No comments