Mr. Colmán Ó Drisceoil:

Níl aon chinneadh oifigiúil déanta againn mar eagraíocht ar sin, ach bheadh muid an-shásta dá dtiocfaí ar chóras éigin a chuirfeadh an Ghaelscolaíocht ar fáil ar bhonn níos leithne. Tá sé tábhachtach gan dearúd a dhéanamh ar an meánscolaíocht, áit go gcuirtear amú cuid mhaith den obair a dhéanann na bunscoileanna nuair nach mbíonn an mheánscolaíocht ar fáil trí Ghaeilge in an-chuid ceantracha chomh maith.