Dinny McGinley (Donegal South West, Fine Gael) | Oireachtas source

Tá rannóg ar leith sa Roinn ag plé le Gaeilge san Aontas Eorpach agus tá plé ag dul ar aghaidh idir an rannóg sin, Roinn an Taoisigh agus an Roinn Gnóthaí Eachtracha maidir le cinneadh a dhéanamh faoin Ghaeilge ag leibhéal na hEorpa. Bhí díolúine againn agus tá sin ag imeacht i 2017 agus caithfidh muid cinneadh a dhéanamh roimh dheireadh 2015. Tá súil agam go mbeidh cinneadh déanta roimh sin, ach tá sin á phlé ag an rannóg sa Roinn atá ag plé le cúrsaí teanga ag leibhéal na hEorpa agus ag na Ranna a luaigh mé.