Trevor Ó Clochartaigh (Sinn Fein) | Oireachtas source

Is breá an rud go bhfuilimid ag fáil soiléiriú nach bhfuil aonad ann. Tá scéimeanna éagsúla ar bun ag an Roinn. Tá daoine éagsúla ag plé le scéim na bhfoghlaimeoirí Gaeilge. Tá daoine eile ag plé le rudaí éagsúla a bhíonn ar bun ag an Roinn, ar nós scéim a bhaineann le heachtrannaigh. Cá mhéad duine as an 60 duine atá fostaithe ag an Roinn atá ag plé go lánaimseartha - go huile is go hiomlán - le cur chun cinn na straitéise a chomhordú sa Roinn? Tá mé ag caint faoi dhaoine a chaitheann gach uair an chloig atá siad fostaithe ag déileáil leis an straitéis.