Trevor Ó Clochartaigh (Sinn Fein) | Oireachtas source

Tuigim go bhfuil na pleananna forfheidhmithe foilsithe, ach tá an tAire Stáit ag caint faoi rud eile anseo. Dúirt sé go gcuireann na Ranna tuairiscí tréimhsiúla ar fáil chomh maith ar an dul chun cinn atá déanta. Bíonn plean mór ag duine ar bith atá ag cur togra de chineál éigin i gcrích agus déantar tuairisciú gach mí nó gach tréimhse ar an dul chun cinn. Glacaim leis go bhfuil mórphlean ag na Ranna éagsúla agus go bhfuil siad ag déanamh tuairisciú dhá réir má tá an Rialtas ag déanamh monatóireachta ar an dul chun cinn. An féidir cóipeanna a fháil de na tuairiscí tréimhsiúla chomh maith?