Éamon Ó Cuív (Galway West, Fianna Fail) | Oireachtas source

Má tá sé cinn déanta laistigh de dhá mhí, is cosúil go ndéanfar 36 cinn in aghaidh na bliana, ach tá 60 cinn le hathnuachan. Tá fadhb ann, ach bogfaimid ar aghaidh. Dála an scéil, nuair a bhí mise sa Roinn, sa trí mhí deiridh bhíomar ag caint ar an teimpléad caighdeánach a luaigh an tAire Stáit. Is mór an trua nár brúdh ar aghaidh leis. Deireann an tAire Stáit go bhfuil dea-thoil agus dea-chomhoibriú ag teacht ó na comhlachtaí poiblí, ach deireann an coimisinéir a mhalairt. An féidir leis an Aire Stáit a mhíniú cén fáth go bhfuil siad go deas comhoibritheach leis an Roinn, ach nach bhfuil siad chomh comhoibritheach - is cosúil - leis an gcoimisinéir?