Aengus Ó Snodaigh (Dublin South Central, Sinn Fein)
Link to this: Individually | In context | Oireachtas source

63. To ask the Minister for Transport, Tourism and Sport cén uair a bhéas ceannteidil a bhille maidir le fórsa poilínteacht ar córais taisteal na tíre ullamh; cad iad na bun coincheapanna atá san smaoineamh aige; agus an mbeadh sé sásta trácht ar an an gceist. [17716/26]

Darragh O'Brien (Dublin Fingal East, Fianna Fail)
Link to this: Individually | In context | Oireachtas source

Mar Aire Iompair, is féidir liom a dhearbhú duit go bhfuil mo Roinn ag dul chun cinn go gníomhach leis na tograí reachtacha is gá chun gealltanas an Rialtais Fórsa Slándála Iompair a bhunú a chomhlíonadh agus go bhfuil sí ag obair go dlúth leis an Údarás Náisiúnta Iompair (NTA) ina leith seo.

Leagtar amach gealltanas soiléir sa Chlár Rialtais: go n-oibreoidh Fórsa Slándála Iompair faoin Údarás Iompair (NTA) le cumhachtaí cosúil leo siúd atá ag Póilíní Aerfoirt agus Oifigigh Chustaim.

Baineann an obair leanúnach chun é a bhunú le breithniú cúramach agus eolasach ar an tsamhail is oiriúnaí don Fhórsa, agus na páirtithe leasmhara uile rannpháirteach go hiomlán – an NTA, oibreoirí, ceardchumainn, grúpaí paisinéirí, an Garda Síochána agus an Roinn Dlí agus Cirt. Ó thosaigh mé ag obair san oifig, bhuail mé leis na páirtithe leasmhara seo mar chomhchoiteann faoi dhó agus leanaim de bheith ag bualadh leo go déthaobhach ar an ábhar tábhachtach seo. Ina theannta sin, bíonn rannpháirtíocht leanúnach ag na páirtithe leasmhara trína bhfreastal ar an nGrúpa Oibre um Shábháilteacht Iompair Phoiblí, atá faoi chathaoirleacht mo Roinne, agus an cruinniú is déanaí ar siúl ar an 11 Feabhra 2026.

Tá mo Roinn agus an tÚdarás Iompair Náisiúnta ag dul chun cinn go gníomhach leis na tograí reachtacha atá riachtanach chun gealltanas an Rialtais Fórsa Slándála Iompair a bhunú a chomhlíonadh, agus beidh gá le reachtaíocht phríomhúil a fhorbairt chun an Fórsa seo a thabhairt isteach, rud a d’fhéadfadh a bheith ina thréimhse fhada tionscnaithe, ach cuirfear dlús leis, d’fhonn dul chun cinn a dhéanamh ar a bhunús le linn 2026.

Is ábhar imní tromchúiseach fós iompar frithshóisialta ar iompar poiblí. Is iad siúd a úsáideann an líonra agus a oibríonn laistigh de na córais is mó a mbíonn tionchar díreach acu air, agus beidh bunú an Fhórsa Slándála Iompair ríthábhachtach chun aghaidh a thabhairt ar an gceist seo, agus is tosaíocht Rialtais í.

Tacaím go hiomlán leis an obair dhearfach atá ar siúl chun dul chun cinn a dhéanamh i dtreo líonra iompair phoiblí níos sábháilte a chruthú do bhaill foirne agus do phaisinéirí. Idir an dá linn, táimid tiomanta do chóras iompair phoiblí sábháilte agus slán a sheachadadh, agus coinneoimid móiminteam ar gach taobh go dtí go mbeidh an Fórsa Slándála Iompair i bhfeidhm.