John Connolly (Galway West, Fianna Fail)
Link to this: Individually | In context

459. To ask the Minister for Agriculture, Food and the Marine an dtabharfaidh sé uasdátú maidir leis an bhforbairt ar chéibh Ros a' Mhíl; agus an ndéanfaidh sé ráiteas ina thaobh. [67089/25]

Timmy Dooley (Clare, Fianna Fail)
Link to this: Individually | In context

Cuireadh tús leis an tionscadal chun Cé Dhomhain a thógáil i Lárionad Chuan Iascaigh Ros an Mhíl i mí Eanáir 2023 agus bhí sé ag dul ar aghaidh mar a bhí beartaithe. Bhí an cead pleanála a deonaíodh le dul in éag ar an 11 Iúil 2023, sula dtabharfaí na hoibreacha chun críche. Rinne Innealtóirí Comhairleacha de chuid na Roinne iarratas ar shíneadh chuig an Údarás Pleanála, Comhairle Chontae na Gaillimhe, i mí na Bealtaine 2023. Deonaíodh síneadh 5 bliana i mí Iúil 2023.

I mí na Samhna 2023, fuair an Roinn fógra faoi Athbhreithniú Breithiúnach ag agóid i gcoinne an chinnidh síneadh a chur leis an tréimhse pleanála. Ní raibh an Roinn seo ach ina Fógra-Pháirtí sna himeachtaí sin. Éisteadh an tAthbhreithniú Breithiúnach san Ard-Chúirt i mí Dheireadh Fómhair 2024. Eisíodh ordú certiorari, lena ndearnadh cinneadh pleanála Chomhairle Chontae na Gaillimhe síneadh a chur le ré fhorbairt na Cé Doimhne a neamhniú.

Chuir comhairleoirí na Roinne tús le hIarratas ar Thoiliú Ionaid a ullmhú i mí Lúnasa 2024. Cuireadh Cuid a hAon den Iarratas ar Thoiliú Ionaid faoi bhráid an Choimisiúin Pleanála an 31ú Deireadh Fómhair 2025 faoi fhorálacha alt 177E den Acht um Pleanáil agus Forbairt, 2000, arna leasú, le haghaidh cead cúlghabhálach i ndáil le hoibreacha forbartha a rinneadh idir 11ú Iúil 2023 agus 20ú Bealtaine 2024. Tá na sonraí le feiceáil ar shuíomh Gréasáin an Choimisiúin Pleanála: www.pleanala.ie/en-ie/case/323827.

Cuireadh Cuid a Dó den iarratas faoi bhráid an Choimisiúin Pleanála an 24 Samhain 2025 faoi fhorálacha alt 37L den Acht um Pleanáil agus Forbairt, 2000, arna leasú, le haghaidh cead tabhairt faoi na hoibreacha atá fós le dhéanamh chun an fhorbraíocht a thabhairt chun críche. Ní féidir meastachán a dhéanamh ar chreat ama an phróisis phleanála.

Nuair a bheidh cinneadh déanta ag an gCoimisiún Pleanála , agus má dheonaítear an toiliú ionaid, tá sé deacair a mheas go baileach cá fhad a thógfaidh sé an tionscadal a thabhairt chun críche. Mar sin féin, tá coinne leis go dtabharfar é chun críche laistigh de 20-24 mhí.