Patrick O'Donovan (Limerick County, Fine Gael)
Link to this: Individually | In context | Oireachtas source

Tá an t-eolas atá iarrtha ag an Teachta tugtha i bhfoirm tábla thíos. Léiríonn an tábla thíos ráta Scéim na bhFoghlaimeoirí Gaeilge ó 1996 i leith agus líon na dteaghlaigh a chuir lóistín ar fáil do lucht freastal na gColáistí Gaeilge sna blianta sin.

Tá eolas faighte ag an Roinn maidir leis an líon teaghlach sa chóras de réir taighde a déanadh i 2022, a thug le fios go raibh laghdú ar líon iomlán na dteaghlach sa chóras. Ní thugtar le fios cén údar leis an laghdú, áfach.

Tá iarratais ar aitheantas faighte ó 32 teaghlach Gaeltachta go dáta i 2023 chun lóistín a chur ar fáil faoin scéim. Os rud é go mbíonn iarratais á ndéanamh ar bhonn leanúnach, táthar ag súil le tuilleadh iarratas fós i mbliana. Chláraigh 39 teaghlach faoin scéim in 2022 rud a thugann le fios go bhfuil suim á léiriú sa scéim i gcónaí.

Chun tacú le tuilleadh teaghlaigh a mhealladh chuig an scéim, cheadaigh mo Roinn ardú 20% anuraidh ar an deontas laethúil a íoctar le teaghlaigh a chuireann lóistín ar fáil. Anuas ar sin ardaíodh an deontas tosaithe do theaghlaigh nua ó €2,000 go €6,000 agus, níos túisce i mbliana, d'fhógair mé go mbeadh an deontas seo ar fáil do theaghlaigh atá éirithe as an gcóras ar feadh tréimhse chúig bhliana nó níos mó agus atá ag iarraidh athchlárú faoin scéim. Chomh maith leis sin, mhéadaigh mé le déanaí an líon scoláirí gur féidir a choinneáil in aon teach ó 12 go 16. Idir na bearta seo uilig, meastar go mbeidh suas go 400 leaba breise ar fáil sa chóras i mbliana le hais 2022.

*Ardú €1 mí Márta 2022 & ardú €1 breise mí Deireadh Fómhair 2022.