Trevor Ó Clochartaigh (Sinn Fein)

Labhair an Aire Stáir mar gheall ar an athbhreithniú atá á dhéanamh ar Acht na dTeangacha Oifigiúla 2003. Tá mé iontach míshásta leis an bhfreagra a fuair mé. Ní aontaím leis an cur chuige atá ag an Rialtas. Má léiríonn an aiseolas a fhaigheann an Rialtas ón bpobal i leith Oifig an Choimisinéara Teanga, i gcomhthéacs an athbhreithniú atá ar siúl i leith Acht 2003, gur cheart go bhfanfadh an neamhspleáchas atá ag an oifig sin mar atá sé faoi láthair, an bheidh an Rialtas sásta dul siar ar an gcinneadh seo?