Ms Eimear N? Mhurch?:

Bhí an méid sin éilimh ar an naíonra go raibh orainn bogadh go foirgneamh eile. Bhí trian fiontraíochta ann agus tá an naíonra anois lonnaithe istigh in aonad amháin mar go raibh an méid sin éilimh ar an naíolann agus ar an naíonra. Bhíomar in ann na seirbhísí a bhí againn sa naíolann a leathnú amach sa seomra eile a bhí á úsáid ag an naíonra tráth a raibh sé ann. Anois, tá an naíonra istigh sa bhfoirgneamh eile. Tá ag éirí go hiontach leo. Is é an rud is fearr faoi ná go bhfuil leanúnachas ann ón naíolann go dtí an naíonra. Ansin, bogann siad ar aghaidh go Scoil Náisiúnta Cillín Liath. Tá caifé beag againn ansin in Ionad na Dromoda. Tagann na páistí isteach le haghaidh rince, amhránaíochta nó rudaí deasa cultúrtha eile i ndiaidh scoile. Is rud álainn é iad a chloisteáil ag labhairt na Gaeilge go nádúrtha. Tá fiúntas ag baint leis an méid oibre atá á dhéanamh ag na daoine atá ag plé leo i nGaeilge ón uair atá siad ag dul go dtí an------